படிப்பாய்! பிடிப்பாய்!
படித்துக் கொள்ளடா தம்பி! - நல்ல
பண்பாடு பெறுதலை நம்பி - கருத்தைப்
பிடித்துக் கொள்ளடா தம்பி!
பண்பாடு பெறுதலை நம்பி - கருத்தைப்
பிடித்துக் கொள்ளடா தம்பி!
படித்துப் பெறுதலே பட்டம் - அதனைப்
பரிந்துரை தருவது மட்டம்
பிடித்தவர் அளித்திடும் பரிசு - அவர்கள்
பெருமைக்கே எனிலது தரிசு!
- படித்துக் கொள்ளடா தம்பி...
பரிந்துரை தருவது மட்டம்
பிடித்தவர் அளித்திடும் பரிசு - அவர்கள்
பெருமைக்கே எனிலது தரிசு!
- படித்துக் கொள்ளடா தம்பி...
படிப்பும் பரம்பரைச் சொத்தா? - நல்ல
பண்புக்கவை தான் வித்தா?
பண்பே உயர்வின் வித்து - உண்மைப்
பகுத்தறிவே புகழ்ச் சொத்து
- படித்துக் கொள்ளடா தம்பி...
பண்புக்கவை தான் வித்தா?
பண்பே உயர்வின் வித்து - உண்மைப்
பகுத்தறிவே புகழ்ச் சொத்து
- படித்துக் கொள்ளடா தம்பி...
உறவுகள் உயர்ந்திடத் திட்டம் - அதையும்
உருவாக்கிட ஒரு வட்டம்
சிறப்பினை ஒதுக்குதல் காழ்ப்பு - தெரிந்தும்
சிறுமையைப் போற்றுதல் ஏய்ப்பு!
- படித்துக் கொள்ளடா தம்பி...
உருவாக்கிட ஒரு வட்டம்
சிறப்பினை ஒதுக்குதல் காழ்ப்பு - தெரிந்தும்
சிறுமையைப் போற்றுதல் ஏய்ப்பு!
- படித்துக் கொள்ளடா தம்பி...
சிலையினைச் சிதைத்தல் சிறுமை - கொடிய
சீற்றமே நடத்தையின் கருமை
நிலையினை உயர்த்தலே பெருமை - ஒழுக்க
நெஞ்சினைக் கொள்வதுன் உரிமை!
- படித்துக் கொள்ளடா தம்பி...
சீற்றமே நடத்தையின் கருமை
நிலையினை உயர்த்தலே பெருமை - ஒழுக்க
நெஞ்சினைக் கொள்வதுன் உரிமை!
- படித்துக் கொள்ளடா தம்பி...
No comments:
Post a Comment